Samandráttir frá 4. umfari

MENN: Góða byrjanin hjá argjamonnum heldur fram og við sigri á vágamonnum eru teir nú nummar tvey í deildini.

KÍ kom aftur á sigurskós eftir tveir javnleikir á rað. Patrik Johannesen skoraði einasta málið í dystinum, sum KÍ vann 1-0 á Víkingi.

Grannauppgerðin millum HB og B36 endaði 2-2. Bogi R. Petersen skoraði bæði málini hjá B36. Fyrra málið hjá HB var eitt sjálvmál, meðan Stefan Radosavljevic skoraði seinna málið.

EB/Streymur vann ein kærkomnan sigur á Skála, sum framvegis ikki hevur fingið nakað stig eftir fýra umfør.

Páskaaftan spældu B68 og NSÍ á Svangaskarði. NSÍ er nú einsamalt oddalið í MeistaraDeildini við 10 stigum, meðan B68 er næstaftast við trimum stigum.

Her eru hæddarpunktini frá 4.umfari.