Samandráttir frá 6. umfari

MENN: NSÍ er nú greitt á odda í MeistaraDeildini eftir, at teir djúpt inni í yvirtíðini skoraðu avgerandi málið móti EB/Streymi.

Á Svangaskarði vann B68 púra óvæntað 3-1 á HB. Liðskiparin, Hanus Højgaard, skoraði ársins vakrast mál, tá hann við einari perlu setti bóltin í málið til 3-1.

Eisini á Argjum kom seinasta málið í yvirtíðini. Argjamenn vóru á odda heilt fram 99. minutt, tá Deni Pavlovic setti bóltin í málið til 1-1.

Annan dystin á rað spældi Skála málleysan javnleik. Hesaferð móti Víkingi, sum nú eru á sætta plássi við átta stigum.

Á Dungasandi vann B36 1-0 á 07 Vestur. Innskifti, Ragnar Samuelsen, skoraði málið hjá B36.

Her eru hæddarpunktini frá 6.umfari.