Samandráttir frá 10. umfari

MENN: NSÍ er framvegis oddalið í deildini eftir ein 6-1 sigur á útvølli móti 07 Vestur.

Á Toftum legði heimaliðið bragdliga fyri og kom á odda eftir bara fimm minuttir, tá Marjus Nón skoraði uppá beinleiðis fríspark. Men klaksvíkingarnir vóru omaná restina av dystinum og endaðu við at vinna ein tryggan 4-1 sigur.

Undir Mýruhjalla irða tey seg um at einki stig kom burturúr góða avrikinum móti B36. Havnmenninir vunnu 2-1 og eru nummar tvey í MeistaraDeildini.

Aron Benjaminsen stóð fyri øllum undirhaldinum á Argjum, tá Víkingur vitjaði AB. Við tekniskum snildum, góðum innleggum og fráíkum skoti, syrgdi Aron fyri at Víkingur vann 3-2. Ungi og evnaríki spælarin skoraði eitt mál og legði upp til hini bæði.

Mest óvæntaða úrslitið í 10. umfari var í Gundadali, har EB/Streymur vann 4-3 á HB. Sundalagsmenn vóru á odda 3-0 í steðginum.

Her eru hæddarpunktini frá 10. umfari.