Samandráttir frá 19. umfari

MENN: NSÍ er framvegis oddalið í deildini eftir 4-2 sigur á EB/Streymi. Runavíkingar hava 40 stig – trý fleiri enn KÍ.

Júst KÍ tryggjaði sær øll trý stigini á Argjum í síðstu løtu, tá Jonn Johannesen skoraði til 4-3.

HB gjørdi skjótt av móti B68 og vann 2-0. Heini F. Sørensen og Stefan Radosavljevic skoraðu málini hjá HB. Dysturin var annars merktur av, at B68 fekk Sebastian Lau Nielsen vístan av vølli eftir 11 minuttir.

Á Dungasandi fekk B36 trý kærkomin stig. B36 eru nú á fjórða plássi, meðan 07 Vestur er næstaftast við 16 stigum.

Mest óvæntaða úrslitið í 19. umfari kom á Skála, har Víkingur var á vitjan. Víkingur kom á odda eftir tveir minuttir, men við málum frá Bjarta Thorleifsson og Mórits Heina Mortensen vann Skála 2-1. Hetta er fyrstu ferð nakrantíð at Skála vinnur á Víkingi í fremstu deildini.

Her eru hæddarpunktini frá 19. umfari.