Samandráttir frá 4. umfari

KVINNUR: NSÍ hevur kós móti FM-heitinum. Tær vunnu 3-1 í oddadystinum móti KÍ. Sólja Ernstsdóttir legði KÍ á odda, men síðani svaraðu Mirjam Huneck, Julia Naomi Mortensen og Heidi Sevdal aftur fyri NSÍ.

Víkingur hevur tó enn møguleika at vinna FM-heitið. Við 4-0 sigri á HB eru tær saman við KÍ trý stig aftan fyri oddaliðið, NSÍ.

B36 vann 2-0 á FC Hoyvík í niðara endaspælinum. Við sigrinum er B36 fimm stig á odda í bólkinum.

Við tveimum málum og trimum uppleggum, syrgdi Sára Benjaminsen fyri, at Skála vann ein tryggan 6-2 sigur á TB/FCS/Royn.