Samandráttir frá 9. umfari

MENN: KÍ liggur nú best fyri til at blíva føroyameistari. KÍ vann 2-1 á NSÍ í oddadystinum við Løkin í Runavík.

HB fótaði sær aftur í Sarpugerði, har ið teir vunnu 1-0 á Víkingi. Sammy Skytte skoraði sigursmálið, tá ið 59. minuttir vóru farnir.

EB/Streymur vann 1-0 á 07 Vestur við brotssparki, sum kom stutt undan dystarloki. Óli Poulsen setti brotssparkið í netið.

Við 1-0 sigri á FC Suðuroy kom B36 aftur á slóðina. Brian Jacobsen skoraði sigursmálið.

Í Trongisvági spældu TB og B68 1-1 javnlik. Støðan í hálvleikinum var 0-0. Marley Blair legði TB á odda tíðliga í seinna hálvleiki, og tá ið 66. minuttir vóru farnir javnaði Hanus Højgaard fyri toftamenn.