IPTV ger alt snildari og betri. Tað eru fleiri fyrimunir, sum lyfta sjónvarpsupplivilsið upp á eitt nógv hægri støði. IPTV merkir í stuttum, at tú brúkar títt breiðband at hyggja í sjónvarp við. Við IPTV er eingin antenna, og tú fært atgongd til fleiri snildar tænastur, umframt at tú sært allar rásirnar í sjónvarpinum.

Hentleikarnir eru:

• HD-myndagóðsku
• Aftur í tíð
• Byrja umaftur
• Steðga og byrja aftur

IPTV-boksin skal setast til streym, og HDMI-kápil setast til sjónvarpið.

Boksin skal hava samband við internetið, vit viðmæla at nýta kápilsamband (LAN), men tað er eisini møguligt at nýta tráðleyst internet (Wi-Fi) í staðin fyri kápil millum boks og beinara.

Regla nummar 1, tá ið okkurt er á vási. Royn at endurbyrja, tí aloftast loysir tað trupulleikan. Soleiðis endurbyrjar tú IPTV-kassan. Fylg vegleiðingini í sjónbandinum:

Sprechen Sie deutsch? Nei, kanska ikki. Men tá tú hevur Televarpið sum IPTV, kanskt tú broyta málið á undirteksti og valmynd-teksti. Fylg vegleiðingini í sjónbandinum:

Niðanfyri er vegleiðing, hvussu tú tendrar áminningar á IPTV, so tú kanst fáa áminningar um sendingar, filmar ella ítrótt, tú vilt síggja. Fylg vegleiðingini í sjónbandinum:

Sum oftast er orsøkin, at tú hevur hevur ein aktivan yndislista (favoritliste), har rásirnar ikki eru valdar.

Til ber at rætta hetta soleiðis:

1. Far inn á Menu
2. Vel Favoritter
3. Vel Alle
4. Vel Aktiver Alle

Vegleiðing til fjarstýring:

Hvussu byrji eg eina sending av nýggjum:

• Fyri at byrja eina sending av nýggjum trýst á “i” (information) á rásini/sendingini, tú ynskir at byrja av nýggjum  -> Vel “Start forfra” (Mynd 1) og trýst á “OK” fyri at byrja av nýggjum.

• Eisini ber til at trýst á  “Rewind”-knappin á fjarstýringini fyri at byrja sendingina av nýggjum.
• Fyri at fara aftur í tíð skal tú trýsta á “Guide” og velja ynsktu rásina við hjálp frá pílunum (Mynd 2) og trýst síðan á pílarnar til at velja ynsktu sending. Trýst síðan OK á Vel síðan “Afspil program” (Mynd 3). Tað er møguligt at fara 48 tímar aftur í tíð.

• Tá ið man er farin “aftur í tíð” ella byrja eina sending av nýggjum er møguligt at spola í sendingini. Hetta gert tú við at trýsta á knøttarnar. Eisini er møguligt at “hoppa” fram ella aftur í sendingini við at tøppa minuttirnar inn. T.d. um tú ynskir at síggja frá 28 minutti, so tøppar tú bara 28 inn og trýstir á “OK”-knøttin.
• Er tørvur á at endurbyrja kassan trýstir man á Menu -> Systeminfo (Mynd 4) -> Gentstart (Mynd 5) á vel “Genstart set-top boksen”fyri at reboota IPTV boksina.

Vegleiðing til uppseting av IPTV-boksini:

Boksin, sum skal setast til streym- og kápulsamband (LAN), skal vera millum kassan og beinaran. Frá kassanum skal ein HDMI-kápil setast til sjónvarpið. Tað er ikki møguligt at síggja Televarpið gjøgnum internetið uttan kaðal millum IPTV-boksina og tín beinara. Sí mynd 1 niðan fyri.

LAN-kápilin gevur internetsambandið, ið loyvir tær at síggja Televarpið, og HDMI-kápilin er til at knýta myndina og ljóð til sjónvarpið.

Tá tú tendrar IPTV-boksina fyri fyrstu ferð, skalt tú tøppa inn kunda nr. og tað 4-siffraða loynitalið, sum er at finna í ordraváttanini. Tá hetta er gjørt, verður boksin sjálvvirkandi dagførd. Hetta kann taka upp til 5 minuttir, og tá er boksin klár at brúka.

Tú skalt hava fylgjandi upp á pláss, áðrenn tú kanst byrja at hugsa um at fáa tær Televarpið sum IPTV:

• 30Mbit breiðbandssamband ella hægri
  • IPTV upptekur pláss á breiðbandinum, so um tú vilt gera alt hitt á netinum, so mást tú velja 30Mbit ella hægri.
  • IPTV tekur 7.5Mbit per boks/sjónvarp
• Kaðalsamband millum beinara og IPTV-boks
  • 100% gott samband.
  • Tráðleyst er gott til okkurt, men við Televarpinum sum IPTV ber ikki til at hava tráðleyst internetsamband við IPTV-boksina.
• Rætta beinara
  • Beinarar, sum blaka tráðleysa internetið út í hvønn krók í húsinum, eru ymiskir í góðsku. Tískil mæla vit til, at tú keypir ein av hesum:
    • Zyxel DX5401
    • Zyxel EX5401-B0
    • Zyxel VMG8825-B50B
    • FRITZ!Box 7581
    • FRITZ!Box 7583
    • FRITZ!Box 7530
    • Technicolor TG789vac
    • Technicolor TG789vac v2
    • Technicolor TH789vn v3
• IPTV-boks
  • Tá tú bíleggur Televarpið sum IPTV, mást tú samstundis keypa eina IPTV-boks, boksgjaldið er 39 kr/mðn.
  • Eitt byrjanargjald á 879 kr. fyri núverandi kundar og 1.099 kr. fyri nýggjar kundar er knýtt at IPTV. Í hesum byrjanargjald er IPTV-boksin íroknað.

IPTV ger alt snildari og betri. Tað eru fleiri fyrimunir, sum lyfta sjónvarpsupplivilsið upp á eitt nógv hægri støði. IPTV hevur nógvir hentleikar:

• Allar rásir í sjónvarpinum
  • Televarpið við antennu merkir, at tú ikki sært allar rásirnar, sum eru í pakkanum, í sjónvarpinum. Nakrar eru einans í Televarpsappini og netvarpinum á tv.fo. Við IPTV fært tú allar rásirnar í sjónvarpinum
• Allar rásir í HD
  • Trýst her fyri at síggja, hvørjar rásir eru í HD
• Steðga og byrja aftur
  • Tú kanst steðga sending – eisini live sending – og byrja aftur, har tú steðgaði
• Byrja umaftur
  • Fekst tú ikki byrjanina við, so kanst tú byrja sendingina ella filmin av nýggjum
• Aftur í tíð
  • Tú kanst fara 48 tímar aftur í tíð og síggja sendingar, sum hava verið

Vit viðmæla eina breiðbandsferð á í minsta lagi 30 Mbit, tí so hevur tú pláss til alt annað.

Tá tú hyggur at Televarpinum sum IPTV um breiðbandið, brúkar Televarpið upp til 5 Mbit, so tú skalt minst hava eitt 10 Mbit breiðbandshald fyri at hava nakað eftir til aðra internetferðslu. Ynskir tú at síggja Televarpið á fleiri tólum samstundis, er neyðugt at hava hægri ferð á breiðbandinum. 4 tól samstundis krevja tískil 20 Mbit.