KÍ er nú ógvuliga nær við at vinna føroyameistaraheitið

MENN:

KÍ vann í kvøld 3-0 á EB/Streymi í Hólmanum á Eiði. Støðan í hálvleikinum var 0-0. Í seinna hálvleiki skoraði Árni Frederiksberg tvey mál, og Filip Brattbakk skoraði eitt.

Sigurin hevur við sær, at KÍ kann blíva føroyameistari í komandi umfari, sum verður spælt sunnudagin. Tá møtir KÍ B68 á Toftum, og NSÍ skal spæla móti 07 Vestur í Sørvági. Vinnur KÍ sín dyst, og NSÍ ikki vinnur sín, so er KÍ Føroyameistari.

Televarpið fylgir væl við, og vit hava Heðin Arge á staðnum.