IPTV er sjónvarp gjøgnum internetið/breiðbandið. Men hvat merkir so IPTV? IPTV stendur fyri Internet Protokol TeleVision og merkir í stuttum, at mann brúkar sítt breiðbandshald at hyggja í sjónvarp við. IPTV er sjónvarp uttan antennu, og tænastan gevur tær atgongd til fleiri snildar funkur, so sum “Aftur í tíð” og “Byrja sending av nýggjum”, umframt at tú fært nærum allar rásir í HD góðsku.
Ynskir tú at gera tær dælt av Televarpinum sum IPTV, mást tú leggja tær nøkur ting í geyma. IPTV upptekur pláss á breiðbandinum. Tískil mæla vit til, at tú í minsta lagi hevur eitt 30Mbit breiðbandshald, so tú kanst gera øll hini tingini á netinum. Tryggja tær somuleiðis, at tú hevur rætta beinaran við røttu tøknini til endamálið. Hesir beinararnir klára uppgávuna til UG:
IPTV er sjónvarp gjøgnum breiðbandið umvegis eina IPTV-boks, sum tú keypir frá Televarpinum, tá tú stovnar Televarpið sum IPTV. Tráðleyst internetsamband millum IPTV-boks og beinara er ikki gjørligt. Tískil mást tú leggja ein kaðal millum boks og beinara.
Gev gætur: Eitt byrjanargjald upp á 989 kr. fyri núverandi kundar og 1.099 kr. fyri nýggjar kundar er knýtt at IPTV. Í hesum byrjunargjald er IPTV boksin írokna.
