Hvørja útgerð skal eg hava heima fyri at síggja Televarpið?

Fyri at síggja Televarpið gjøgnum antennu krevst ein vanlig UHF-útiantenna, sum kann taka rás 21 til 69. Antennan skal peika so beint sum gjørligt móti Televarpssendaranum í økinum, har tú býrt. Sýnið til sendaran skal sjálvsagt eisini vera so frítt sum til ber. Sí yvirlit yvir sendistøðir her

Inniantenna v/forstyrkjara kann í summum førum nýtast, men Televarpið mælir til at nýta útiantennu. Afturat tí, at inniantenna ikki gevur eins sterkt og reint signal til móttakara/sjónvarp, sum útiantenna, so órógvast hon eisini av ymsum signalum í rúminum, t.d. fartelefonsignali.

Fyri at síggja Televarpið sum IPTV gjøgnum breiðbandið krevst:

• 30Mbit breiðbandssamband ella hægri
  • Hetta fyri at tryggja, at tú eisini kanst brúka internetið til annað samstundis. IPTV krevur 7.5Mbit per boks/sjónvarp
• Kaðalsamband millum beinara og IPTV-boksina
• Rættan beinara
  • Ber bert til at brúka hesar beinarar
    • FRITZ!Box 7581
    • FRITZ!Box 7583
    • FRITZ!Box 7530
    • Technicolor TG789vac
    • Technicolor TG789vac v2
    • Technicolor TH789vn v3
    • Zyxel VMG8825-B50B
• Eina IPTV-boks
  • Eitt byrjanargjald á 879 kr. fyri núverandi kundar og 1.099 kr fyri nýggjar kundar. Í hesum byrjanargjaldi er IPTV-boksin íroknað.