Samandráttir frá 1. umfari

KVINNUR: Víkingur og HB spældu 1-1 í fyrsta umfari í ovara endaspælinum. Rebekka Benbakoura legði HB á odda 1-0 í fyrra hálvleiki. Í seinna hálvleiki svaraði Eydna Olsen Dalheim aftur fyri Víking við at javna til 1-1, sum eisini bleiv endaliga úrslitið.

NSÍ vann 2-1 á útivølli móti KÍ, og er nú á odda í ovara endaspælinum.

Í niðara endaspælinum vann B36 sannførandi á TB/FCS/Royn. Støðan var 1-0 í steðginum, men í seinna hálvleiki setti B36 ferðina upp, og vann 5-0.

Skála vann triðja sigurin á rað, tá tær vunnu 5-2 á FC Hoyvík. Sára Benjaminsen skoraði hattrikk.