Samandráttir frá 14. umfari

KVINNUR: Tríggir greiðir sigrar í seinsta umfarinum í grundspælinum í MeistaraDeildini. KÍ smurdi NSÍ av í Runavík, har toppskjúttin seinastu nógvu árini, Heidi Sevdal, stóð í málinum.

HB skoraði í fyrsta minutti í dystinum móti Skála, og vunnu dystin 6-0.

Á Dungasandi vann 07 Vestur 3-0 á B36.

Nú verður MeistaraDeildin hjá kvinnum deild í tvey, har HB, KÍ, Víkingur og NSÍ spæla um FM í ovara endaspælinum. Í niðara endaspælinum eru Skála, B36 og 07 Vestur umframt ÍF, sum endaði næstovast í 1.deild. Næstbesta liðið hjá KÍ endaði nummar eitt í 1.deild, men kunnu ikki flyta upp, tí er tað liðið sum gjørdist nummar tvey, sum skal spæla í niðara endaspælinum í MeistaraDeildini.

Her eru hæddarpunktini frá 14. umfari.