Samandráttir frá 2. umfari í endaspælinum

KVINNUR: Skála yvirraskaði øll og fekk javnleik á heimavølli móti HB. Undan dystinum hevði HB vunnið allar dystirnar – undantikið ein javnleik móti KÍ.

KÍ nærkast nú HB eftir at klaksvíkskvinnur vunnu 2-0 á Víkingi. HB er fremst við 38 stigum, meðan KÍ hevur 37 stig.

Í niðara endaspælinum vann 07 Vestur 3-1 á útivølli móti B36. Tær eru nú á odda í niðara endaspælinum.

FC Suðuroy vann 2-1 á ÍF. Bjarta Bjarnadóttir Hammer skoraði bæði málini hjá FC Suðuroy eftir frálíkt spæl.

Her eru hæddarpunktini frá 2. umfari í endaspælinum.