MENN: Víkingur heldur FM-kósina. Í dag vunnu teir 1-0 á EB/Streymi. Jørgen Nielsen skoraði málið. Sundalagsmenn fara at iðra seg, tí í seinna hálvleiki høvdu teir fleiri stórar málmøguleikar.
KÍ vann 2-0 á B68. Hálvleiksstøðan var 1-0 til KÍ. Ragnar Samuelsen hjá B68 var óheppin og gjørdi sjálvmál í fyrra hálvleiki. Tá ið lítið var eftir av dystinum, økti Árni Frederiksberg til 2-0.
B36 vann greiðan sigur á 07 Vestur í Sørvági. Anton Søjberg legði B36 á odda 1-0 við frálíkum frísparki í fyrra hálvleiki. Í seinna hálvleiki økti Marius Kryger Lindh tvær ferðir, so at B36 vann 3-0.
NSÍ vann 2-0 á ÍF. Steffan Løkin legði NSÍ á odda í fyrra hálvleiki, og í seinna hálvleiki økti fyrst Petur Knudsen og síðani Aron Knudsen um leiðsluna. NSÍ spældi stóran part av dystinum við 11 ímóti 10, tí Aron Kensson hjá ÍF bleiv útvístur, tá ið 32 minuttir vóru farnir.
HB vann 3-0 sigur á Skála. Jákup Thomsen skoraði tvær ferðir og Hanus Sørensen skoraði triðja málið hjá HB.
Víkingur – EB/Streymur 1-0
Leygardagin 21. september
Sarpugerði, Norðragøta
B68 – KÍ 0-2
Leygardagin 21. september
Svangaskarð, Toftir
07 Vestur – B36 0-3
Sunnudagin 22. september
á Dungasandi, Sørvágur
HB – Skála 3-0
Sunnudagin 22. september
Gundadalur, Tórshavn
NSÍ – ÍF 3-0
Sunnudagin 22. september
við Løkin, Runavík
