Samandráttir frá 24. umfari

MENN: KÍ er føroyameistari triðja árið á rað. KÍ vann tryggan greiðan 5-0 sigur á ÍF, meðan B36 var fyri stórtapi, 0-6, í Gøtu, har Martin Klein aftur gjørdi um seg við hatrikki. Úrslitini hava við sær, at nú kann eingin taka KÍ á fyrsta plássi.

EB/Streymur hevur tryggjað sær, at teir eisini eru í bestu deildini í komandi ári. EB/Streymur vann 1-0 á TB, sum enn bara er eitt stig oman fyri niðurflytingarstrikuni.

Tað eydnaðist ikki AB at vinna sær tiltrongd stig í niðurflytingarstríðnum. 07 Vestur var sterkari í Sørvági og vann 2-1.

B68 stóð seg sera væl í Gundadali, har teir spældu 3-3 javnleik ímóti HB.