Samandráttir frá 24. umfari

MENN: Víkingur nærkast av álvara FM-heitinum. Í kvøld vunnu teir 3-0 á Skála við málum frá Jákup Johansen, Sølva Vatnhamar og sjálvmáli frá Markusi Hellisdal.

KÍ vann tepran 1-0 sigur á 07 Vestur á Dungasandi. Páll Klettskarð skoraði sigursmálið. Hetta var tjúgunda málið hjá toppskjúttanum í Betri deildini í ár. KÍ-verjuspælarin, Odmar Færø, bleiv útvístur, tá ið 86. minuttir vóru spældir.

EB/Streymur vann sær trý sera týdningarmikil stig, tá ið sundalagsmenn í dag vunnu 4-1 á NSÍ. NSÍ kom á odda við máli frá Betuel Hansen, sum syrgdi fyri, at NSÍ var á odda 1-0 í hálvleikinum. Í seinna hálvleiki svaraði EB/Streymur aftur. Kristian Svabo Eliasen, Jóhann Hansson Joensen og Philip Djordjevic (2) skoraðu, og syrgdu eisini fyri 4-1 sigri.

Botnstríðið er framvegis sera spennandi. B68 vann í dag 3-1 á ÍF, og tað hevur við sær,at toftamenn nærkast feløgunum, sum liggja beint omanfyri niðurflytingarstrikuna.

Í Gundadali fingu grannarnir HB og B36 eitt stig í part. Dysturin endaði 2-2. Hálvleiksstøðan var 1-1.