Samandráttir frá 8. umfari

MENN: Við 2-1 sigri á ÍF í Fløtugerði hevur Skála nú tíggju stig, og hevur eisini lyft seg upp á sætta pláss.

NSÍ vann 2-1 í grannauppgerðini á B68. Bartal Páll Klein skoraði fyri B68 í fyrra hálvleiki, men í seinna hálvleiki svaraðu Búi Egilsson og Dion Splidt aftur fyri NSÍ. Petur Knudsen legði upp til bæði NSÍ-málini.

Víkingur hevur enn fult stigatal. Víkingur vann við 3-1 sigri á EB/Streymi áttanda dystin á rað í ársins landskapping.

KÍ vann 2-0 á 07 Vestur í Klaksvík. Gestirnir spældu ein stóran part av dystinum við tíggju móti ellivu, tí Frederic Lucas Hols bleiv útvístur, tá bara 20. minuttir vóru farnir. Cedric Yambere og Páll Klettskarð skoraðu fyri KÍ.