Samandráttir frá 8. umfari

MENN: Nú koma stigini aftur til føroyameistaran, Víking. Í dag vann Víkingur triðja sigurin á rað. Hesaferð vunnu teir 2-0 á FC Suðuroy á Eiðinum í Vági. Jákup Johansen og Sølvi Vatnhamar skoraðu hvør sítt mál í hvør sínum hálvleiki.

NSÍ gjørdi øllum greitt, at teir skulu takast í størsta álvara í FM stríðnum í ársins landskapping. NSÍ vann knúsandi 7-1 stórsigur á HB í Gundadali. Bæði Klæmint Olsen og Petur Knudsen skoraðu hatrikk í dystinum. Hitt málið hjá NSÍ skoraði Steffan Løkin. Ári Mohr Jónsson skoraði fyri HB.

Við 2-1 sigri á B36 stóð EB/Streymur fyri mest óvæntaða úrslitinum í 8. umfari. Boubacar Dabo legði EB/Streym á odda 1-0 í fyrra hálvleiki, og í seinna hálvleiki økti hann til 2-0. Stutt fyri leiklok minkaði Mattias Hellisdal um munin fyri B36.

B68 vann sær trý kærkomin stig við 2-1 sigri á 07 Vestur. Sigurin ger, at B68 nú er á sjeynda plássi við sjey stigum. 07 Vestur liggur niðast við einum stigi.

KÍ vann heili 10-0 á TB. Hálvleiksstøðan var 5-0. Páll Klettskarð skoraði hatrikk.