Samandráttir frá steypakappingini

Kvinnur: KÍ vann 3-1 á Skála undir Mýruhjalla í fyrru hálvfinaluni í steypakappingini, og tí hava tær bláu úr Klaksvík sera góðan møguleika fyri at tryggja sær annað finaluplássið, tá ið feløgini aftur møtast 14. september í Klaksvík.

HB nærkast eisini av álvara finaluplássi. Tær vunnu 3-0 á Víkingi í Sarpugerði. Seinna hálvfinalan millum HB og Víking verður eisini spæld 14. september.

Finalan verður spæld leygardagin 27. september á Tórsvølli.