Samandráttir, Løgmanssteypið

MENN: TB stóð fyri mest óvæntaða úrslitinum, tá teir vunnu á B68 eftir brotssparkskapping.

B36 og NSÍ máttu spæla í 120. minuttir, áðrenn ein vinnari bleiv funnin. B36 vann 3-2.

Við Margáir var eisini neyðugt við umdysti. Tað stóð 1-1 millum EB/Streym og HB eftir 90 minuttir, men í umdystinum tryggjaðu gestirnir sær ein 3-1 sigur.

Víkingur hevur spælt seg víðari í hálvfinaluna í kappingini um Løgmanssteypið, men tað bleiv neyðugt umdysti, tí í AB megnaði sera væl at halda Víking frá at skapa málmøguleikar. Støðan var 0-0 eftir 90 minuttir, men tá 10. minuttir vóru farnir av umdystinum legði Arnbjørn Svensson Víking á odda 1-0. Rani Hansen skoraði síðani tvær ferðir fyri Víking, sum at enda vann 3-0 á AB.

Lutakastið, um hvussu spælast skal í hálvfinalunum, verður í Klaksvík sunnudagin eftir dystin millum Víking og KÍ á Rás 1.