U21: Føroyar vunnu á Íslandi

U21 EM-undankapping: Føroyar vunnu 2-1 á Íslandi. Støðan í hálvleikinum var 2-0 til Føroyar. Mattias Hellisdal legði Føroyar á odda 1-0, tá ið bara tríggir minuttir vóru farnir. Tá ið eitt gott korter var spælt økti Áki Samuelsen til 2-0. Ísland stríddist fyri at svara aftur, men tað eydnaðist bara at skora tað eina málið, sum kom, tá ið 62. minuttir vóru farnir.

Við sigrinum hava Føroyar fult stigatal fyri tveir dystir í hesari EM-undankappingini. Í juni mánaði vunnu Føroyar 2-1 á Estland.

Føroyar spæla aftur 9. septemer. Tá møta vit Luksemborg á útivølli.