Betri deildin: Soleiðis sært tú fótbólt í Televarpinum

Televarpið og Fótbóltssamband Føroya samstarva um at senda Betri Deildina hjá monnum beinleiðis í Televarpinum. Talan er um eina tænastu, ið føroyingar nær og fjar fáa ágóðan av. Tú hevur trinnar møguleikar at velja ímillum, tí dystirnir verða vístir tvørturum hyggjarapallarnar hjá Televarpinum.

Altíð ein dystur á Rás1
Rás1 verður ein týðandi leikari í tænastuni, tí í hvørjum leikumfari verður í minsta lagi ein dystur altíð sendur beinleiðis á Rás1, sum allir Televarpskundar hava atgongd til.

Fá allar dystirnar í Stórapakka+
Um tú hevur haldið Stórapakka+, so fært tú allar dystirnar ókeypis. Altíð ein dystur á Rás1, og hinir dystirnir verða sendir beinleiðis á netrásunum R2, R3, R4 og R5, sum eru tøkar á Televarpsappini og á netvarpinum á tv.fo.

Keyp og hygg
Á leinkini niðan fyri kanst tú keypa tær rættindi at síggja dystirnar í hvørjum leikumfari, um tú t.d. ikki ert Televarpskundi. Her kunnu allir føroyingar nær og fjar fara inn og stroyma dystirnar. Ein dystur kostar 39 kr.

Keyp her

Fá allar dystirnar í sjónvarpinum
Um tú kundi hugsað tær at sæð allar dystirnar í sjónvarpinum, ístaðinfyri at síggja dystirnar í appini ella netvarpinum, so burdi tú umhugsað Televarpið sum IPTV. Hevur tú IPTV-loysnina og Stórapakka+, so sært tú allar dystirnar í sjónvarpinum.