Viaplay

Sum nakað nýtt, er Viaplay knýtt at Stórapakkanum heilt ókeypis. Tað einasta, tú skalt gera, er at rita inn á sjálvgreiðsluna og stovna tær ein brúkara.

Velur tú Stórapakkan+, verður Viaplay uppstigað til Viaplay Total.

Hvat er munurin á Viaplay og Viaplay Total?

Viaplay gevur tær atgongd til filmar, seriur og tilfar til børn.
Viaplay Total gevur tær atgongd til alt, sum Viaplay hevur at bjóða; umframt eitt hav av ítrótti.

Viaplay er ein tænasta, sum krevur, at tú nýtir ein virknan teldupost at innrita við.

Kanna hetta fyrst, áðrenn tú fert víðari:

1. Um so er, at tú longu hevur roynt Viaplay, so er neyðugt, at tú kennir til loyniorðið, tú hevur brúkt til Viaplay. Um tú ivast, so royn fyrst at innrita á Viaplay og tryggja tær, at loyniorðið er tað rætta. Um tú ikki minnist til loyniorðið, so ber til at biðja um eitt nýtt.

2. Hevur tú eitt virkið Viaplay-hald við mánaðarligum haldi, so mást tú fara inn á Viaplay og uppsiga haldið, soleiðis at tú ikki framhaldandi kemur at rinda fyri hetta framyvir. Sjálvt um tú sigur Viaplay-haldið upp, so verður tín konta ikki strikað hjá Viaplay.

3. Hevur tú ikki eitt login til Viaplay við tí telduposti, tú ætlar at nýta, so kanst tú halda áfram.

Vert at vita um Viaplay

Hvat er Viaplay?

Viaplay er ein eyka online stroymingstænasta, sum tú fært frá Televarpinum, tá tú hevur Stórapakkan ella Stórapakkan+. Tænastan er ymisk alt eftir, hvønn pakka tú hevur. Hevur tú Stórapakkan, fært tú Viaplay, sum er atgongd til filmar og sjónvarpsrøðir. Hevur tú Stórapakkan+, fært tú Viaplay Total, sum er atgongd til filmar, sjónvarpsrøðir, barnatilfar og eina ørgrynnu av ítrótti.

Viaplay hevur eitt virði á 99 kr/mðn. Viaplay Total hevur eitt virði á 319 kr/mðn.

Hjá Televarpinum fært tú hetta heilt ókeypis í ávikavist Stórapakkanum og Stórapakkanum+.

Viaplay er online, og tað merkir, at tú kanst njóta tænastuna á ta tólinum, sum hóskar tær. Viaplay virkar á teldu, snildfon, teldli, Apple TV, Chromecast, Smart TV og Android TV. Les meira um tólini her.

Viaplay Total er vælumtókt millum ítróttafjepparar. Her kanst tú lesa, hvønn ítrótt tú sært við tænastuni.

Hvussu fái eg Viaplay?

Tú fært atgongd til Viaplay, um tú hevur Stórapakkan ella Stórapakkan+. Tú fært Viaplay, um tú hevur Stórapakkan, og tú fært Viaplay Total, um tú hevur Stórapakkan+.

Um tú hevur eina Viaplay kontu frammanundan, so er tað umráðandi, at tú strikar hesa, áðrenn tú stovnar eina Viaplay kontu gjøgnum Televarpið. Hevur tú ikki strikað tína Viaplay kontu, kanst tú fylgja vegleiðingini her.

Fyri at skráseta teg sum brúkara hjá Viaplay, skalt tú fyrst rita inn á Sjálvgreiðsluna hjá Televarpinum. Trýst her fyri at fara til sjálvgreiðsluna. Hevur tú ikki stovnað tær ein brúkara, kanst tú fylgja vegleiðingini her.

Tá tú hevur ritað inn á sjálvgreiðsluna, finnur tú eina leinkju á forsíðuni. Hendan leinkjan eitur “Stovna Viaplay her”. Eftir at tú hevur trýst á leinkjuna, verður tú biðin um tryggja, at rætti teldupostur og rætt fartelefonnummar eru knýtt at sjálvgreiðsluni. Til síðst fært tú ein teldupost við eini leinkju til skrásetingarsíðuna hjá Viaplay og eitt sms við eini trygdarkodu.

Tá tú kemur á skrásetingarsíðuna:

Tryggja tær, at rætti veitari (leverandør) er valdur. Her skal Televarpið standa.
Tryggja tær, at røtt virkjunarkota er í fyrsta kassanum. Virkjunarkotuna finnur tú í teldupostinum.
Tøppa trygdarkotuna inn, sum tú hevur fingið sendandi við sms á telefonnummarið, tú hevur skrásett í sjálvgreiðsluni.
Tøppa teldupostin inn, sum tú ynskir at rita inn við á Viaplay og trýst síðani á Forsæt og fylg vegleiðingini á skíggjanum.
Tá tú hevur upprættað ein brúkara hjá Viaplay, kanst tú innrita á viaplay.dk, Viaplay appini til iOS og Android ella PlayStation 4 og njóta tað, sum Viaplay hevur at bjóða.

Eg havi Viaplay frammanundan?

Fyri at tryggja, at Viaplay-kontan verður stovnað á rættan hátt, mást tú fyrst strika tína verandi kontu, um tú frammanundan hevur Viaplay. Hetta gert tú við at innrita á heimasíðuna hjá Viaplay og fylgja hesi vegleiðing.

Halt músina yvir navninum hjá tær í høgra horni og trýst á kontooversigt
Til høgru sært tú, hvat fyri pakka tú hevur beint nú. Trýst á Opsig
Síðani fylgir tú niðurtøkumannagongdini. Fyri at tryggja tær, at niðurtøkan er fullgjørd, kanna um tú hevur móttikið ein teldupost frá Viaplay.

Tá haldið hjá tær er niðurtikið, kanst tú stovna tær eina Viaplay-kontu frá Televarpinum við at fylgja hesi vegleiðing.

Er Viaplay kontan rætt skrásett?

Tú fært atgongd til Viaplay, um tú hevur Stórapakkan ella Stórapakkan+. Tú fært Viaplay, um tú hevur Stórapakkan, og tú fært Viaplay Total, um tú hevur Stórapakkan+.

Fyri at tryggja tær, at kontan er rætt skrásett, kanst tú fylgja hesi vegleiðing.

Trýst á navnið hjá tær, sum stendur ovast til høgru og trýst á kontooversigt
Til høgru sært tú, hvat fyri pakka tú hevur. Har skal standa “Din pakke via Televarpid”

Um hetta ikki stendur, vinaliga ring á 340 340, so vit kunnu hjálpa tær.

Hvussu skráseti eg meg sum brúkara í Sjálvgreiðsluni?

Áðrenn tú fert í holt við at upprætta ein brúkara á Sjálvgreiðsluni, skalt tú first hava hendur á kortnummarinum, sum er á Televarpskortinum, ið situr í sjónvarpinum ella Televarpsmóttakaranum. Her stendur nummarið á kortinum.

Far til hesa leinkju, tá tú hevur funnið kortnummarið. Har tøppar tú kortnummarið inn saman við einum telduposti og fartelefonnummari, umframt at tú velur tær eitt loyniorð.

Hvar finni eg kortnummarið á Televarpskortinum?

Kortnummarið á Televarpskortinum er týdningarmikið. Fyri at kunna stovna ein brúkara á Sjálvgreiðsluni og harvið fáa atgongd til netvarpið hjá Televarpinum, skalt tú brúka kortnummarið, ið er at finna á kortinum, sum situr í Televarpskassanum ella í sjónvarpinum.

Á einum Conax-kortið finnur tú nummarið á baksíðuni:

Á einum Verimatrix-kortið finnur tú kortnummarið framman á kortinum:

Leinkjur

Sjálvgreiðslan Les meira um Viaplay Sí hald

Viaplay

Viaplay er ein tænasta, sum krevur, at tú nýtir ein virknan teldupost at innrita við.

Vert at vita um Viaplay

Leinkjur

Valmynd

Tænastur

Samband

Televarpið